మంచు మనోజ్ కథానాయకుడుగా ఎ.కె.ఎంటర్ టైన్ మెంట్స్ బ్యానర్ పై సుంకర రామబ్రహ్మం నిర్మిస్తున్న చిత్రం 'బిందాస్'. దీనికి 'అజయ్ గాడి విజయ గాధ' అనే ట్యాగ్ లైన్ ఉంది. ప్రముఖ రచయిత వీరుపోట్ల తొలిసారి ఈ చిత్రానికి దర్శకత్వం వహిస్తున్నారు. షీనా హీరోయిన్ గా పరిచయమవుతోంది. ప్రస్తుతం నిర్మాణాంతర కార్యక్రమాలు జరుగుతున్నాయి. ఈ చిత్రం ఆడియో విడుదల కార్యక్రమం ఈనెల 9వ తేదీ సాయంత్రం 7.30 గంటలకు శిల్పకళారామంలో నిర్వహించనున్నారు. జీ తెలుగు ఛానెల్ ప్రత్యక్ష ప్రసారం చేయనున్న ఈ కార్యక్రమంలో ముఖ్యమంత్రి కె.రోశయ్య, డాక్టర్ దాసరి నారాయణరావు, రాఘవేంద్రరావు, శ్యామ్ ప్రసాద్ రెడ్డి, ఆది శేషగిరిరావు, ఎ.ఎం.రత్నం వంటి రాజకీయ, సినీ ప్రముఖులు పాల్గొంటారు.బిందాస్ గా జీవితాన్ని సాగించే అజయ్ అనే యువకుడి కథే ఈ చిత్రమనీ, ఇందులో అజయ్ ఏ విషయాన్ని ఛాలెంజ్ గా తీసుకున్నాడు, దానిని ఎలా సాధించాడనేది ఆసక్తికరంగా ఉంటుందనీ నిర్మాత తెలిపారు. ఈనెల 9న ఆడియో విడుదల చేస్తున్నట్టు చెప్పారు. ఈ చిత్రంలోని ఇతర పాత్రలో విజయ్ కుమార్, పరుచూరి వెంకటేశ్వరరావు, విశ్వనాథ్ కాశీ, ఆహుతి ప్రసాద్, సునీల్ తదితరులు నటిస్తున్నారు. బోబో శశి సంగీతం అందిస్తున్నారు.
No comments:
Post a Comment