దర్శకరత్న దాసరి నారాయణరావు తనయుడు దాసరి అరుణ్ ఏడాది గ్యాప్ తర్వాత మళ్లీ ముఖానికి మేకప్ వేసుకోబోతున్నారు. ఇంతవరకూ అరడజనకు పైగా సినిమాలు చేసినప్పటికీ అరుణ్ కు హీరోగా సరైన బ్రేక్ చిక్కలేదు. 'గ్రీకువీరుడు' (1998)లో పరిశ్రమకు హీరోగా పరిచయమైన ఆయన ఆ తర్వాత 'ఒరేయ్ తమ్ముడు', 'చిన్నా', 'కొండవీటి సింహాసనం', 'సామాన్యుడు' (హీరో మిత్రుడి పాత్ర) వంటి చిత్రాల్లో నటించారు. గత ఏడాది సోలో హీరోగా 'ఆదివిష్ణు' చిత్రంతో ప్రేక్షకుల ముందుకు వచ్చారు. ఆ చిత్రం సైతం బాక్సాఫీస్ ను ఆకట్టుకోకపోవడంతో అరుణ్ కొద్ది గ్యాప్ తీసుకుని ఇప్పుడు శేఖర్ సూరి దర్శకత్వంలో ఓ కొత్త చిత్రానికి కమిట్ అయ్యారు'అదృష్టం', 'ఎ ఫిలిం బై అరవింద్', 'త్రీ' చిత్రాల తర్వాత శేఖర్ సూరి దర్శకత్వం వహించనున్న ఈ చిత్రం అంజలీ స్క్రీన్స్ పతాకంపై రూపొందనుంది. ఇది జనరంజకమైన కథ అనీ, తన బాడీలాంగ్వేజ్ కు తగ్గట్టుగా ఇందులో తన పాత్ర ఉంటుందనీ, ఇదొక సంచలనాత్మక చిత్రం అవుతుందనీ దాసరి అరుణ్ చెప్పారు. పరిశ్రమలోని పలువురు పేరున్న నటులు, సాంకేతిక నిపుణులు ఈ చిత్రాన్ని పనిచేయబోతున్నారు. త్వరలోనే ఈ చిత్రం ప్రారంభం కానుంది.
No comments:
Post a Comment