జీవితాన్ని స్టయిలిష్ గా తీసుకుని ఎంజాయ్ చేసే మెడికల్ కాలేజీ అమ్మాయిలు అనుకోని కారణాల వల్ల భయంకరమైన మర్టర్స్ మిస్టరీలో ఇరుక్కుంటారనీ, అందులో నుంచి బయట పడే ప్రయత్నంలో కొందరు అంతమవుతారనీ, అదేమిటన్నది 'అంతిమ తీర్పు' చిత్రంలో చూడాలని నిర్మాతలు అంటున్నారు. మలయాళంలో విజయవంతమైన ఈ చిత్రాన్ని భార్గవ ఫిలిమ్స్ ఇంటర్నేషనల్ పతాకంపై మాస్టర్ రామ్ సాగర్ సమర్పణలో మహేంద్ర కార్తీక్ తెలుగులోకి అనువదిస్తున్నారు. బాబురాజ్ ఈ చిత్రానికి దర్శకుడు.చిత్ర ఎగ్జిక్యూటివ్ ప్రొడ్యూసర్ నాంగేంద్ర సింగ్ బాబు మాట్లాడుతూ, కాలేజీల్లో ర్యాగింగ్ కోరల్లో చిక్కుకుని నేటి యువత ఎదుర్కొంటున్న సమస్యతో చివరి వరకు ఊహించని రీతిలో సస్పెన్స్ థ్రిల్లర్ గా దర్శకుడు మలిచినట్టు చెప్పారు. యూత్ తో పాటు అన్నివర్గాల ప్రేక్షకులు చూడదగిన సందేశాత్మక చిత్రమిదని అన్నారు. ఈ చిత్రంలో సీనియర్ నటి వాణి విశ్వనాథ్ డి.ఐ.జి.గా, సురేష్ గోపి ప్రత్యేక పాత్రలో, ఎనిమిది ప్రముఖ మోడల్స్ నాయికలుగా నటించారు. ఇతర పాత్రలో సుజనాయుడు, శశికుమార్, దేవన్, విజయరాఘువన్ తదితరులు నటించారు. సాయిహర్ష రచన, గురుచరణ్ పాటలు, సుకుమార్ సినిమాటోగ్రఫీ, రషీద్ సంగీతం అందించారు
No comments:
Post a Comment