బికినీలో సునీల్?

కమెడియన్లు ఒంటిమీద చీర చుడితే ప్రేక్షకులకు అదో కిక్. రాజబాబు, పద్మనాభం, రాజేంద్రప్రసాద్, నరేష్, ఆలీ వంటి పలువురు కమెడియన్లు చీర సింగారించుకుని నవ్వులు పూయించిన వారే. నలుగురూ నడిచిన రూట్లో నటిస్తే గొప్పేముంది? కమెడియన్లలో తనకంటూ ఓ ప్రత్యేక ఇమేజ్ తెచ్చుకున్న సునీల్ ఇప్పుడు ఏకంగా బికినీలో ఇమిడిపోయేందుకు రెడీ అవుతున్నారట. 'అందాలరాముడు' చిత్రం తర్వాత సునీల్ రెండోసారి కథానాయకుడుగా నటిస్తున్న 'మర్యాద రామన్న' చిత్రంలోని ఓ సాంగ్ లో సునీల్ బికినీ అందాలు ప్రదర్శించబోతున్నట్టు సమాచారం.రాయలసీమ ఫ్యాక్షన్ నేపథ్యంలో సాగే ఇతివృత్తమిది. అయితే క్యారెక్టర్లన్నీ కామెడీతో అనుసంబంధానమై హిలేరియస్ ఎంటర్ టైనర్ గా ఈ చిత్రం ఉండబోతోంది. ఇంతవరకూ పూర్తి స్థాయి కామెడీ చిత్రాలకు పనిచేయని ప్రముఖ దర్శకుడు ఎస్.ఎస్.రాజమౌళి ఈ చిత్రానికి దర్శకుడు. శోభు యార్లగడ్డ, ప్రసాద్ దేవినేని సంయుక్తంగా ఈ చిత్రాన్ని నిర్మించనున్నారు. సునీల్ కు జోడిగా సలోని నటించనున్న ఈ చిత్రంలో నాగినీడు (ప్రసాద్ ల్యాబ్స్ ) బ్రహ్మానందం కీలక పాత్రలు పోషించనున్నారు. ఎం.ఎం.కీరవాణి సంగీతం అందించనున్న ఈ చిత్రం రెగ్యులర్ షూటింగ్ ఈనెల 21 నుంచి ప్రారంభం కానుంది. ఎస్.ఎస్.కంచి కథ, రవీందర్ కళాదర్శకత్వం, రమారాజమౌళి కాస్ట్యూమ్స్, ఛోటా కె.నాయుడు సినిమాటోగ్ర,ఫీ కోటగిరి వెంకటేశ్వరరావు ఎడిటింగ్ అందించనున్నారు.